| S1054 | 7365.64 Index schepenprotocol Oss (7365.64) Samenvatting op bhic.nl: Alsoe Jan Aertss van Uden woenende tot Heesch in houwelijcxe voirwaerde mede ten houwelijck hadde gegeven aen Jannen soone Peeter Jan Thijssen met Willemken sijn dochter eenen camp lants 9 vaetsaet lants gelegen in Oss opter Wolffs coije geheeten weijers camp, belendingen: Willem Jan Didden; Rem Ceelen; dwaterlaet; de pastorie lant; ende want die voirs Jan Aertss van Uden den voirs camp heeft nu vercocht; soe sijn parthien overcomen dat de voirs Jan Peeters in plaetschen vande voirs camp wederom tot onderstant van sijnen houwelijck sal hebben 7 vaetsaet lants gelegen in Oss inden heescheren wech, belendingen: Jan Jan Thijssen; Henrick Janss Fonck; de heescherenwech; Jan Michiel Stricken; ende inne te brengen vuijtwijsens de heijlicxe voirwaerde, alsoe den voirs Jan soone Peeter Jan Thijssen de kijnderen Jan Smits vuijtgecocht hadde mette somme van 390 carolus gulden vuijter legaeten bij wijlen Jan Peeter Smits de selve kijnderen naer doot van Willemken sijn huijsvrouwe gemaeckt, beloopende de somme van 500 gulden als alle andere actie die de selve ab intestato als vuijten testamente des selffs Jan Peeters souden moegen eijschen oft pretenderen, allet naervolgende den accorde ende transporte voir schepenen deser vrijheijt gepasseert opten 30-6-1627; soe is bijden selven veraccordeert dat de voirs Jan Peeters sal betaelen de voirs 390 carolus gulden sonder last des voirs Jannen sijnen schoenvader ende allen tgeene bijden voirs accorde ende transporte hem is opgedraeghen cedeert hij mede tot behoeff vande voirs Jannen sijnen vader oft sijne kijnderen, inder vueghen dat hij mette selve kijnderen tsaementelijck de selve goederen bijden testamente van Jan Peeter Smits hem gemaeckt sullen deijlen, vuijtgenomen de legaeten hem voir vuijtgemaeckt, dies en sal oock die voirs Jan Aertss van uden deen kijnt nijet meer als dander vuijt sijne goederen maecken, maer tsaemen gelijckelijck naer sijne ende sijne huijsvrouwe doot laeten deijlen, allet ter cause vande bovengescreven transporte vande 4 stucken lants soe voir d’affstant vande voirs camp betaelinge vande voirs somme als mede overgevinge vande voirs vuijt cooppinghe voir allen tgeene voirs te volbrengen hebben parthien verbonden henne persoonen ende alle henne goederen hebbende ende vercrijgende. Actum et testes ut supra [Actum 20-9-1627, testes Aert Herman Clingh ende Jan Adrians, scabini in Oss]. |