Index on   ID   First name   Last name   Date↑   Date↓           


S1184 7365.65 Index schepenprotocol Oss (7365.65)
Samenvatting op bhic.nl: Voor Jacop Lamberts ende Ruth Jacops, schepenen in Oss, hebben Peeter soone Jan Peeters van Heeswijck geassisteert metten selven Jan Peeters van Heeswijck sijnen vader ter eenre ende Wilbertgen Janssen geassisteert met haere vrienden ter andere sijden; gemaeckt seeckere contract ante nuptiael: voir ierst brenkt de selve Peeter inne 2 mergen lants onder Macharen opte rotten genoemt den biescamp; item noch een campken lants aenden bossch padt daervan Jan Peeters van Heeswijck tot behoeff des voirs Peeters sijnen soone sijn tochte op heden datum deses heeft overgegeven; van welcke perceelen van landen de voirs Wilboirtgen naer doot van Jan Peeterssen van Heeswijck sal besitten den eenen mergen vande voirs 2 mergen met het voirs campken aenden boschpadt ende den anderen mergen naer doot vanden selven Jan Peeters van Heeswijck sal de voirs Wilbortgen haer leven lanck besitten, wordt bij desen in tgeene voirs den selve Jan Peeters van Heeswijck sijn leven lanck gereserveert de tochte. Item brenght inne de selve Wilboirtgen Janss allen ende eenenijgelijcken haere goederen gereeth ende ongereeth daer sij meester aff is, behoudelijck nochtans dat oft geviel dat de voirs Peeter ende Wilbertgen kijnt oft kijnderen tsaemen bijden anderen verweckt soe sullen de selve kijnt oft kijnderen mette voirkijnderen des voirs Peeters in haers vaders goederen een kijnderen sijn ende sullen inne dien gevalle alle voir verhaelde maeckselen comen te cesseren; ende inne gevalle van egeen kijnt oft kijnderen als voir suleln allen conquesten comen te vervallen, halff ende halff ten waere bij ennighe maeckselen ter contrarie naemaels wordden gemaeckt; ende innegevalle de selve contrahenten binnen siaers sonder wettachtige geboirten achter te laeten quaeme te sterven soe sullen deen vuijt des anders goederen verbeetert sijn de somme van 150 carolus gulden ende daermede vuijten iersten afflijvigens goederen blijven ende binnen 6 wecken betaelt te wordden bijden lancxtevende.