| S999 | 7365.65 Index schepenprotocol Oss (7365.65) Samenvatting op bhic.nl: Willem Cornelissen Vos als weduwnaar van Hermanken sijnder overleden huijsvrouwe heeft de tochte hem competerende in een kamer metten gront ende erffenisse gelijck deselve tegenwoirdich aff gepaelt is gelegen in Oss binnen de veste aenden hoevel, belendingen: erffenisse des voirs Willems; Thonis Jochims; de gemeijn straet; overgegeven aan heer Aerden sijnen soone ende Jannen Henrick Adriaenss als man van Nelisken dochtere des voirs Willems, mitsgaders aen Gerissen ende Wouteren onmundigen soonen ende Anneken ende Jenneken onmundige dochteren des voirs Willems allen vanden selven Willemen ende Hermanken voirs tsaemen verweckt, die derffrecht was competeerende. Actum 9-11-1632, testes Aert Herman Clingh ende Gerit Janss, scabini in Oss. Heer Aert soone Willem Cornelissen Vos opten eedt in priesterlijcker forme gedaen ende Jan Jan Jacops opten eedt aen handen des stadthouders des schouthet van Maeslant gedaen als momboiren over Gerissen, Wouteren, soonen, Anneken ende Jenneken dochteren onmundighe kijnderen des voirs Willems ende Hermankens sijne overleden huijsvrouwe tzamen verweckt. Actum et testes ut supra. Alsoe Willem Cornelissen Vos als weduwnaar van Hermanken sijnder overleden huijsvrouwe de tochte hem competerende in een kamer metten gront ende erffenisse etc. overgegeven hadde heeren Aerden sijnen soone ende Jannen Henrick Adriaens als man van Nelisken dochtere des voirs Willems, mitsgaders aen Gerissen ende Wouteren onmundighe soonen ende Anneken ende Jenneken onmundighe dochteren des voirs Willems, allen vanden selven Willemen ende Hermanken voirs tzamen verweckt die derffrecht was competerende (schepenbrief Oss op heden); soe hebben die voirs heer Aert soe voir sijn selven als mede met hem Jan Jan Jacops beijde als momboiren over Gerissen, Wouteren, Anneken ende Jenneken onmundige kijnderen voirs ter eenre ende die voirs Jannen Henrick Adriaens ter andere sijden, hen gesubmitteert over tcoopen vande voirs kamer metten gronden ende erffenisse voirs omme daermede de schulden des voirs Willems te betaelen soe verre de penningen daervan comende sullen reijcken ende de voirs momboiren sullen assigneeren ende bewijsen, innen vuijtspraecke van Corneils Willemss, Henrick Jacops, Willem Wouterss ende Thonis Jochims omme bij hen te verclaeren ende te seggen wat de voirs kamer, gront ende erffenisse inder erffelijckheijt werdich is, ende den voirs Jannen Henrick Adriaens daervoir behoirden te geven; soe hebben de selve arbiters verclaert dat den voirs Jan voirde voirs kamer, gront ende erffenisse inder erffelijcheijt sal betaelen als volght: inden iersten dat die voirs Jan vuijte voirs kamer, gront ende erffenisse sal betaelen aende heer pastoir van Oss de somme van 2 gulden 17½ stuiver jaerlijcx ende tot dien noch de somme van 429 carolus gulden te betaelen tot behoeff vande kijnderen des voirs Willems omme de schulden daermede te betaelen des voirs Willems aende geene daer de voirs momboiren den voirs Jannen bewijsen ende assigneeren sullen; ende sullen tot dien die voirs heer Aert soe voir hem selven als mede met hem Jan Jan Jacops beijde als momboiren vande voirs onmundighe kijnderen de voirs kamer gront ende erffenisse inder erffelijcheijt aende voirs Jannen transporteeren; ende boven dien sal de voirs Jan noch gebruijcken 3 jaeren lanck den halven kelder naest sijn kamer, welcke helft onder den boge affgemaeckt sal wordden, ende boven dien betaelen 30 stuivers eens sonder corten; ende voirts de costen die ter causen van desen voirder sijn gedaen sullen halff ende halff gedraegen wordden ende die int geheel betaelt sijnde bijden voirs Jannen sal aende voirs somme van 429 carolus gulden corten. Het transport vindt vervolgens plaats. Actum et testes ut supra. Die voirs Jan Henrick Adriaens belooft aende voirs heer Aert ende momboiren de penningen inde vuijtspraecke verhaelt te tellen ende te voldoen tot henne versuecke. Actum et testes ut supra. |